幾個姐姐黎探我

今日媽媽幾個朋友黎探我, 有秋阿姨, 昭姨, Shirley姐姐同Phyllis姐姐, 佢地好客氣, 送左隻腳鐲仔俾我, 不過有三個太瘦, 抱得我唔舒服, 有一個就好正喇..唔錯...下次又黎抱我啦!! 話時話, 媽媽唔記得左幫我地影相.

又重左喇

今日番聯合覆診, 嘩.....我又重左喇, 有5.33KG, 媽媽驚我會變大肥仔呀!

打針呀

今日媽媽爺爺嫲嫲同我狼狼仔去健康院, 我而家有4.98KG喇, 今日仲要打針, 嘩....支針大到呢...一吉落黎, 我就大叫喇, 不過我喊左一陣咋...佢地以為我好叻, 哈..之不過我返到屋企就成日唔願瞓, 可能痛啦, 攪到成屋人都唔鍾意我喇...媽媽好難先暗到我瞓, 瞓左一陣咋! 呢個就係我今日個瞓覺樣.

我的第一次

近日我狼狼仔有好多第一次

• 14/9 去左酒樓, 全程坐喺車仔上面


• 16/9 爸爸媽媽同我去屋企樓下間診所睇醫生, 因為左眼眼肚腫左, 醫生話發炎, 俾左D藥膏我搽, 好可憐呀

左眼搽左藥膏個樣

滿月了

話咁快, 今日係我農曆滿月嘅大日子, 但係冇人幫我狼狼仔擺番幾圍, 都唔知點解我爸爸媽媽咁弧寒架! 但係我狼狼仔都幾多人錫, 收左唔少禮物呢, 你地睇下!


嫲嫲送嘅玉墜, 金鍊, 公公婆婆送嘅金幣同金介子, 仲有楚英姨婆送嘅腳鐲仔....我有冇八兩金嘅氣質呀??


















爺爺送嘅大金豬, 係唔係好羨慕呀

















喺度仲要多謝好多人嘅利是:
太婆, 爺爺嫲嫲, 公公婆婆, 太姨婆, 好多個姨婆, 好多個舅婆, 叔公, 姨公, 澳門個表舅父, 美國個大舅父, 爸爸D同事, 樓下個管理員姨姨, 公公婆婆個鄰居.....
仲要多謝好多人嘅禮物:姑姑, 大姨, MIU MIU

如果有錯漏可以E-MAIL我

我在醫院的日子

住我對面床位個印度女人好嘈架, 嘻嘻嘻

大家好

Hi! 大家好, 我係狼仔, 8月15日出世, 今日媽媽終於得閒幫我整個BLOG喇. 上個星期六, 爸爸幫我攞左出世紙, 正式有個名咁囉, 叫林浪鋒, 唔知係咩意思.
我今日已經27日大喇, 真係話咁快. 媽媽話啱啱出世嘅我易湊D, 嗰時我唔係食奶就係瞓覺, 係夠鐘食奶我先會喊, 不過而家我成日都覺得好悶, 想人同我玩, 又想人抱抱, 所以未夠鐘開餐我就喊啦....HEHE...

我啱啱出世, 右眼仲未開, 好樣衰

喺醫院, 媽媽覺得件杉好可愛, 不過好難著, 因為係後面綁帶, 我似唔似一個小老人呢??

呢個係我父親大人, 佢餵奶個姿勢好生硬

停止!!我唔鐘意掃風架.

HELLO!! 爸爸

爺爺嫲嫲話我似楊利偉, 你話呢??