食手仔

近來我狼狼仔唔只食奶奶, 仲愛上食自己隻手仔, 好好味, 你要唔要試下?? 媽媽話我識食手仔係叻嘅表現!!

表現良好

個個都話我狼狼仔愈大愈乖, 我近來唔會無啦啦發脾氣, 又識笑, 多數都係便便,眼瞓同肚仔餓先扭計. 最叻就係自己無端端端戒夜奶, 我夜晚十一點幾食完, 第二日朝早7點先叫食, 個個話我孝順喎...


好開心呀



乖乖坐喺車車上面, 等爺爺嫲嫲歎茶

又係趴趴遊戲

今日自己趴係床度, 玩左幾次, 我狼仔趴喺度係唔會喊, 係唔係好叻呢??

學趴低身

今日爸爸媽媽想訓練我狼狼仔嘅頸部肌肉, 所以就同我玩趴趴遊戲喇..首先, 爸爸打直抱住我, 之後慢慢咁瞓落床度, 就係咁我就趴左喺佢身上面, 唔知點解, 我就覺得好眼瞓喇..


好舒服呀

點解隻手同隻腳咁凍架

今日我狼狼仔正在熟睡中, 忽然間覺得隻手仔腳仔好凍, 我就瘋狂掙扎, 醒左之後就見到呢兩舊東東喇....咩事呀???


原來係我爸爸同媽媽幫人整手仔腳仔石膏像, 得唔得意呀??


呢個玩具係爸爸買俾我架

官姐姐到訪

今日媽媽個舊同事官姐姐黎我屋企探我, 仲送左套靚冬天杉俾我, 好開心呀. 媽媽仲未買冬天杉俾我, 所以佢覺得好實用, 而我都表現良好, 全程冇喊. 多謝官姐姐, 下次再黎丫!

我的怪怪樣

你是如此奇妙

狼仔,

媽媽從前從未想過我能夠當上一個母親, 總是懼怕懷孕及生產過程的辛苦, 但突然有一天女人天生的母性發作起來, 在你爸爸不太積極之下決定要小孩, 即是後來的你.
懷孕過程對我來說絕對不是一件輕易的事, 每天腹大便便的上班下班, 真是辛苦, 體力真是用盡了.
然而上天真是對我不薄, 最终還是安全地把你帶來這個花花世界.
你一天一天的成長, 由一個瘦小嬰兒(3.67KG), 到今天已有十三磅重了.
每當你坐在嬰兒車上, 你便會把雙眼睜得又大又圓, 左顧右盼, 我便會很心喜, 因為你的樣子真是太可愛了.
但當你肚子痛的時候, 你便會面容扭曲, 瘋狂大哭, 我便會慌張起來, 心痛得很.
生命真是神奇, 還記得照超聲波時, 你只是一個細胞, 現在已是一個可愛小孩.
狼仔, 媽媽只希望你健康快樂, 將來會送一個弟妹給你!
















很可愛呢





媽媽

今日我兩個月喇, 但媽媽要返工呀

今日係我狼狼仔兩個月大嘅大日子..時間真係過得好快呢..

自從我滿左月之後, 日日都會落樓行下, 爺爺嫲嫲仲成日都帶我去飲茶添, 我最鍾意酒樓d水晶燈架喇, 好靚架! 以前喺媽媽個肚入面冇呢d咁閃嘅野睇, 出左世真係好喇.

今日媽媽放完產假要返工喇, 好唔開心呀! 今日仲要一早去健康院打針添, 媽媽一朝早起身就幫我準備奶粉袋, 因為唔知會攪幾耐...之後佢入房睇下我, 但我瞓左未醒, 佢摸下我面豬仔, 好唔捨得咁就走左喇...媽媽, 早d返呀!

健康院數據:

重: 5.94kg

身長:60cm

肥仔水

最近我狼狼仔脾氣好差, 成日都喊, 嫲嫲同媽媽都覺得我肚仔痛, 因為我喊嘅同時都會放臭屁, 所以媽媽琴日去藥房度買左支肥仔水開俾我飲. 好似有D效, 因為今日我便便時冇喊呀..好野!! 肚仔痛好辛苦架...
















好痛呀!!

最新發展

琴日朝早, 我狼狼仔起左身, 嫲嫲抱我出廳, 見到媽媽對住我大大聲唱歌, 我即刻望住佢, 仲笑左出黎添. 媽媽好開心, 因為佢話我已經同之前一日嘅狼狼仔唔同左喇, 一晚之間大有進步, 集中力強左, 而且笑係有意識嘅, 我係咪好叻呢??

我媽媽好鍾意唱歌俾我聽架, 佢一唱我就會眼定定望住佢架喇, 佢嘅飲歌有"甜蜜蜜", "飄零燕", "月亮代表我的心"等等.

一個半月人仔喇

不知不覺, 我狼狼仔已經個半月人仔喇. 媽媽仲有唔夠兩個星期就要返工喇, 唔好返工啦, 媽媽!! 爸爸媽媽因為有左我, 最近冇覺好瞓, 雖然有爺爺嫲嫲星期一至五幫手, 但係星期六日, 同公眾假期爺爺嫲嫲就會放假, 媽媽而家仲放產假都好D, 但爸爸就好辛苦喇, 日日返工要早起身, 星期六日仲耍半夜三更餵我狼狼仔呀, 我大個一定要賺多D錢養返爸爸媽媽呢....奶粉食到第五罐喇, 你地睇下我有冇大個仔左..