山洪暴發

今日山洪暴發,事源爺爺抱住我,我一連放左好多個屁,咁爺爺就好八卦咁睇下我條片有冇料到,真係有野,不過就得好少,咁爺爺就高聲呼叫,想搵人幫手喇.
喺房執緊野嘅媽媽聽到,就出黎做善後工作喇,佢打開我條片,見我好少料,於是佢就膽粗粗,唔用尿墊啦,佢好快手咁幫我清潔之際,佢都心知不妙喇,見到有d野出緊黎,佢想以最快速度,喺我pat pat下墊好尿片,希望可以將損失減至最低,不幸地山洪已經暴發,向前直噴,可幸的是直噴 High Chair,而唔係媽媽面上,如果唔係媽媽今晚有狼狼牌熱mask用喇. 呢個時候,媽媽知道自己唔可以亂,應該盡快幫我清潔同換杉先,其他野唔好理住,好彩爸爸及時番到,可以做善後工作.