戒夜奶

呢兩日我星仔似乎戒左夜奶,夜既十點十一點幾食完,第日五點六點先會再食

媽媽上班了

去健康院打針

今日有5.38KG

爸爸放假

今日爸爸放假，媽媽又仲未完產假，佢地帶我狼仔去寶康公園同玩具反斗城玩，本來我應該要瞓晏覺喇，但係我都頂到最後一刻先捱唔住。細佬要大個Ｄ先有得去，去住屋企樓下個公園先啦。

寶康公園：





Pizza Hut:


玩具反斗城：

兩個月大喇

我小ＢＢ不經不覺已經兩個月人仔喇。。。而家都係一舊飯黎，仲係瞓得好多，可能天氣凍啦。。而家食奶方面，食完夜晚十點餐奶奶，到三四點先會再食。。。希望下個月可以戒到夜奶啦！加油！

星仔近況

星仔近日D皮膚好左好多喇,原來我星仔好白淨架

十六個月大喇

過去一個月,我狼仔病左半個月,真係可憐...希望以後身體健康啦..
十六個月嘅我係大個仔左好多
1) 識得用手指發出要求,例如指住度門即係要去街,但係唔識講
2) 識得跑
3) 出街鍾意自己行,但係唔俾大人拖
4) 鍾意搽cream,會拎支cream俾大人示意要大人幫我搽
5) 去茶樓飲茶會自己拎住叉食野

媽媽太忙,而家先UPLOAD近照

又發燒

今日一早爺爺急CALL媽媽話我狼仔好唔舒服,快D過黎睇我. 媽媽上到黎,我已經好左D喇,唔駛去醫院. 爺爺話之前俾我嚇死,我起床之後痾左便便,爺爺嫲嫲見d便便型態OK,都好開心,點知我洗完pat pat之後,成個人震晒,仲反白眼添,探下熱,有成39度幾. 不過之後著多左衫又好d,但仲係發燒,個人又冇神冇氣,俾嫲嫲灌食藥都唔識喊,之後食左退燒藥又退左燒喇,仲肯玩同食野....點解隻菌咁毒架,病左個幾星期喇,真係好可憐.

肚瀉

我狼仔病呀,由上個星期二開始,已經肚瀉,痾水便有血絲...仲有發燒添. 醫生話係有菌喎,原來細路仔肚瀉唔可以止瀉,要痾清D菌先得,佢估計係中左沙門士菌喎. 而家我冇得飲奶奶呀,因為一飲奶奶,我會痾水架,醫生俾左罐豆奶俾我,不過我唔多鍾意喇,係個人半夢半醒時先會飲咋. 今日都仲有痾呀,但D便便就冇話好水,痾左咁多日,又冇奶奶食,瘦左一個碼

胖了的臉龐

到AMP去

今日爸爸媽媽同我狼仔去AMP行下同食中午飯,我狼仔好開心呀,新地方可以周圍行,仲有好多新奇野.

首先去食飯,餐廳望到地鐵,GOOD


睇我幾開心


好大隻鴨鴨呀


最後去埋吉之島


細佬去左邊??屋企囉!

誰是誰?

狼仔?定係星仔??




答案:第一張係星仔,第二張係狼仔

滿月禮物

呢隻足金金鼠係爺爺送俾我星仔嘅,旁邊隻金豬係舊年阿哥滿月時爺爺送嘅,唔知下年會唔會多一隻金牛呢...媽媽話機會唔大

快高長大

2007年10月1日


2008年11月23日

食日本野

媽媽生完BB大解放,我地今日去板長壽司食LUNCH,我食左茶碗蒸,好好味!

有九磅重喇

我星仔出世得嗰2.53KG,今日去健康院已經有4.07KG喇,即係差不多有九磅重喇...媽媽同工人姐姐就最開心喇,因為佢地兩個都好俾心機餵我食奶奶,媽媽話過一點一滴奶對我星仔都好重要,所以佢幾辛苦都要餵我食晒D奶奶架

狼仔加餸

就係我隻臭腳

星仔滿月了

今日係19日,我星仔一個月大喇! 我而家仲係一舊飯,乜都唔識,淨係食得,瞓得,痾得. 爸爸星期一幫我攞左出世紙喇,我個名叫林星旅,大家記住喇!

星仔增磅中

我星仔食奶叻叻,食得快,又食得晒,希望愈來愈肥啦!

媽媽的心事

呢個BLOG起左咁耐,多數都係狼仔同大家講下佢自己D野,而家仲多左一個星仔添...媽媽而家開始都要講埋一份喇..
自從生左阿狼之後,生活真係好大改變,嘩...以前自己好懶架,放假一定唔願起床嘅,但係生左阿狼,雖然有爺爺嫲嫲湊,但放假要餵夜奶啦..就算唔駛食夜奶時,佢都好早起身,多數放假仲比返工早起床啦,咁由2007年8月15日開始,到今時今日,日日都係唔夠瞓嘅...真係唔做父母都唔知道原來真係唔易做.
諗住狼仔大個D,應該就快可以有覺好瞓啦....點知有左星仔喇...大肚,要返工已經夠辛苦啦,放假仲要幫手湊阿狼,好彩爸爸係主力,但係都係冇得瞓呀..其他細路我唔知啦..阿狼就真係唔係人咁品喇,夜晚瞓覺喊幾次,仲要爸爸行開一陣都唔得,我大住個肚仲要抱佢喎,又要冇得瞓喎,都唔好話唔辛苦喇!
好喇,而家生左阿星,有工人姐姐餵夜奶,日頭我照顧星仔,都OK啦! 週末,狼仔返黎,例牌未習慣,半夜要喊,有時可以喊你三個鐘,死未....星期日,姐姐放假,我同爸爸一人睇一個啦..星仔仲細,一家大細又係冇得去街,爸爸媽媽依然冇覺好瞓...
可能要到你地兩個都過左兩歲先會好D...但係可能到時又會有其他野...
都係唔好諗太多喇,希望在明天!

十五個月大了

- 識行,好叻喇,仲好鍾意行樓梯添
- 踎低起身
- 仲係講BB話
- 做左人大哥,但好怕細佬喊
- 唔想媽媽走去湊細佬,所以拖住媽媽周圍行

胎毒上面

我星仔而家好肉酸,塊面生粒粒,希望快d好啦

行catwalk

自從我狼仔識行之後,日日行來行去,當個廳係天橋

兩兄弟的合照

由於狼仔仲細,怕佢會唔小心整親星仔,所以兩個BB唔可以太近,大個D先可以親近D

湊我仲辛苦過湊初生BB

我狼仔而家好曳曳呀...上個星期媽媽啱啱生完BB,所以冇番屋企瞓,今個星期返去啦...唔知係唔習慣丫,定係掛住嫲嫲啦,我由凌晨1:30喊到4:00...激到爸爸大聲鬧我,佢愈鬧我愈喊,但我又愈係要爸爸,媽媽要抱我,我都唔俾..

睇下小BB先


媽媽,如果你鍾意BB女,唔該自己生番個,唔好成日俾D咁嘅野我帶

臍帶甩了

今晚臍帶甩了,真好....而我小BB食奶奶而家叻左好多,由頭食到尾,嘔奶又少左,叻叻!

狼仔新花名

媽媽入左醫院生BB,日日對住星仔,一返到屋企見到狼仔...嘩...好肥呀,肥狼呢個名就係咁黎喇.
爸爸仲話,星仔而家個樣有D似江若琳...想當年,爸爸話我狼仔個樣似楊丞琳嘅,但今時今日,佢話我似阮兆祥..

媽媽喺醫院,我狼仔就係食同玩囉

兩兄弟到底似唔似樣呢??

星仔:

狼仔:

星仔:

狼仔:


似唔似呢? 媽媽覺得佢地兩個D動靜都有D似,個樣呢...星仔眼,鼻同口都大D啦....狼仔就當然係肥D啦,而星仔就細細粒,個個都好錫住佢...
點都好啦,媽媽但願你地兩兄弟健康成長,感情要好吧!

小BB出世了

Hello,大家好,我係小BB呀,我已經出左世喇..10月19日,媽媽穿左水,所以我要提早出世喇..不過大家都估唔到我個SIZE咁細喇...得5磅半咋..媽媽成日都覺得自己個肚唔夠大,原來係因為我條臍帶少左一條動脈,一般臍帶有兩條動脈,一條靜脈...所以我就唔長胎喇. 唔緊要啦,出左世都唔再靠臍帶架喇,爸爸媽媽會俾心機養肥我架喇..
而家我個花名叫星仔,係爸爸改嘅.