恭喜發財

呢兩張相係小敏姨姨整嘅,唔該晒..第一張係我狼仔+兒時媽媽,第二張係兒時媽媽+兒時姨媽
我狼仔祝大家鼠年行大運!

賣飛佛

呢個係一個會錄音嘅玩意...好好玩架


順便一提,我狼仔身上件褸就係媽媽十月份買嘅衫形睡袋,而家當中褸著,好暖,唔駛加被仔!

同teddy bear做朋友

呢隻teddy bear係貞姨婆好多年前造嘅,婆婆拎番俾媽媽,隻熊仔好classic好靚架...我都忍唔住要摸下佢,同佢做好朋友






青蛙仔同鴨仔都要同我做好朋友

睡袋

其實十月份媽媽已經買左一個睡袋俾我,可惜到冬天,個睡袋已經太短,攪到我對腳走左出黎. 於是爸爸媽媽就走去CHICCO買左呢個睡袋俾我,成個睡袋有我張床仔咁大,出年應該可以再用,折左四百幾蚊,好過之買次前二百幾嘅衫型睡袋啦...爸爸媽媽真係寧願慳自己都要買野俾我狼仔,狼仔都錫晒你地!!

打NDS

慶祝姑姑生日

今日係姑姑生日,琴晚我地同佢去左豪宴食飯,原來我以前黎過呢度,不過我完全唔記得晒喇,呢度d燈好靚,我個頭轉轉左轉轉右咁四圍望,嘻...我係八卦仔一名..

上新家

之前爸爸媽媽搬開左住,帶我狼仔上去玩下,不過我狼仔認地方,唔對路會喊. 但係可能爺爺嫲嫲平時都有帶我上去,所以而家我唔怕喇,喺爸爸媽媽張大床上面,我又會望下出面d景啦...仲會自己唱歌同大叫添!


呢張床單係媽媽至愛嘅 Chips and Dale

五個月大喇

又到左十五號喇,我狼狼仔五個月大喇. 五個月大嘅我比以前乖左,自己可以同自己玩上一個鐘頭,唔錯啦! 我仲會成日講bb話同唱bb歌. 但係我仲未識轉身,呢個會係我呢個月嘅目標,希望大家會為我打氣! 上個月,媽媽好似有d懶散,唔係經常update我個blog,亦希望佢可以加以改善.

濕疹

好慘呀,我狼仔上星期六開始,塊面開始好痕好痕,我忍唔住,係咁"r"係咁"r",兩條眉都"r"都出水,夜晚瞓得唔好,心情都差到不得了. 媽媽超級心痛!

長高了

呢件baby gap係姑姑喺我出世之前買嘅，係俾六至十二個月嘅BB著，我而家著啱啱好咋.

爸爸與我

爸爸平時成日都要用電腦,佢又要湊我,所以我地會一齊坐喺電腦前.

無聊玩意

食糊仔

我狼仔而家唔止食奶奶,仲試過食好多野.有蘋果啦,果汁啦,豆腐花啦,魚魚啦,仲有糊仔啦...我個名叫狼仔,人如其名,食野都好似餓狼咁,只要你將d野食拎過黎,我個頭一郁,嘴一張,野食就會喺我個口度,你地大人仲要手腳快d,唔係呢我發脾氣你地就知味道..


睇我食到幾污糟

印度仔

似唔似印度仔??

好涷呀

2008年

狼仔,

今天是2008年的開始,剛過去的2007年是媽媽人生的分水嶺,是非常特別的一年,亦是最快樂的一年. 還記得去年的這個時間,你才剛剛在我肚子裡,眨眼間你已經四個半月大了,生命真是神奇有趣.
新一年開始了,媽媽希望你在2008年健康快樂.