又出多兩隻牙

嫲嫲見到我狼仔出多兩隻牙,係上面兩隻門牙,叻叻!!

第一次打韆鞦

今日爸爸媽媽帶我狼仔去寶康公園玩,點解唔喺屋企樓下個公園玩,要搭車去呢個公園? 因為媽媽想俾我試下玩下韆鞦,但係我狼仔好唔爭氣,眼瞓呀,所以全程都唔開心,仲要天公不做美,落雨添. 不過唔緊要啦,媽媽覺得個公園都幾大幾多野玩,下次等我養足精神先再黎過!

完全冇笑容

九個月大喇

五月十五日,我狼仔九個月大喇. 九個月大嘅我,唔再係一舊飯喇. 而家我仲未識爬喎,但係成日扭計要企喺度,要未學爬先學企. 好多人都話我愈大愈靚仔,你地話呢?

識野喇,睇電視會笑成咁.



媽媽搣人個鼻鼻

做人要分甘同味

我而家狼仔唔再係bb仔,同大人去食野,就要食枱上面d野食,唔好諗住俾d baby food就可以瞞天過海喇. 嘻嘻,上個星期同爸爸媽媽去mc donald,我第一次自己坐,好開心咁周圍望,有好多小朋友,好熱鬧呀. 之後去大快活同和民都係坐baby seat.

小水手

呢件水手衫係媽媽買俾我架,加上我呢個COOL爆表情,係唔係好有型呢??

擺鋪士

Hi,小姐你好嗎??

和爺爺一起

呢排我狼仔做左爺爺塊貼身膏藥.