週末做D乜

和爸爸玩耍


企下


落街食野

補祝爸爸媽媽拍拖十週年

琴日係爸爸媽媽拍拖十週年,今日我地出街食晚飯當係補祝,去左新都城Fat Angelo. 自從有左我狼狼仔之後,爸爸媽媽出街食飯都係食快餐居多,十週年梗係要食好一d啦,但係由於媽媽有左bb,好多野都唔可以食,所以是是但但一間意大利餐廳就算喇.
我狼仔去西餐廳淨係去過花園餐廳咁大把,今次呢間Fat Angelo好有新鮮感,去到我就周圍望,特別鍾意睇掛喺天花上面嘅吊扇,好得意架.
希望爸爸媽媽可以有多d慶祝活動啦,多d帶我狼仔見下世面喇.

呢件衫係爸爸買俾我架

爸爸媽媽拍拖十週年

發燒了

本來係冇人知我狼仔發燒嘅,因為我狼仔是日好精靈,有反應之餘仲識拍拍手.

但係姑姑話我有鼻水,媽媽又見我打噴嚏,所以咪探下熱囉. 一探之下竟然有38.7度,再探都有38.4度.

八點幾喇,媽媽打電話去診所問下仲有冇得見醫生,好彩仲有啫.
於是爸爸媽媽拿拿聲同我落去睇醫生喇...醫生話我個鼻模有d紅,有d發燒,應該係細菌感染.

我狼仔終粯嘗病菌入侵嘅味道喇,又多一個"第一次"喇..by the way,希望快d冇事啦!

十一個月大喇

仲有一個月,我狼仔就一歲喇..點解一年會咁快架.
我而家識多左好多野喇,但係d大人就好唔得閒喇,因為我而家成日要人扶我行路,又成日攪呢樣攪嗰樣,真係睇少眼都唔得.

好似好大個仔咁

有客人黎搵我

今日同琴日都有人黎搵我.
星期六,婆婆同三個姨婆,姨媽同未來姨丈,仲有兩個表姨,黎飲下午茶,之後仲上左我屋企添,相當熱鬧. 不過佢地d姨媽姑姐好嘈,好似成個墟咁,攪到我心情麻麻,但係都要多謝你地買俾我d野食同禮物,太客氣喇.
而今日miu miu姐姐黎,我心情就好好多喇,同佢玩得好開心,爸爸媽媽就可以休息一下喇...miu miu姐姐次次都有禮物俾我,miu miu姐姐人真好喇!

二姨婆抱我


同miu miu姐姐玩


媽媽又幫人攪鬼,我最唔鍾意架喇

站穩

扶住野可以站穩

始終都有第一次

今日黃昏時份,狼仔我瞓醒左冇大叫,喺張大人床度自己玩,就係咁,我就奉獻左我嘅第一次 --- 跌落床.
爺爺聽到砰一聲,我仲未識得反應已經入左黎,之後梗係喊啦...嫲嫲知道梗係心痛到不得了啦..一邊責備爺爺冇好好睇住我,一邊氹我狼仔.
冇幾耐,媽媽返左黎喇,嫲嫲即時報告我狼仔送左層樓俾佢,媽媽於是走過黎抱下我,我狼仔就想喊,但又忍住,正一係一個小可憐.
本來嫲嫲想俾粥仔我食,但因為我驚魂未定,心情十分欠佳,邊會食丫...好彩,睇左一陣baby tv,我心情先好轉,仲食晒粥仔添...

今次我狼仔令大家受驚喇...但係而家先係開始咋..個個小朋友都跌下跌下,先會大架啦..

有朋友到訪

今日回歸日,爸爸媽媽嘅舊同學黎左探我,仲帶埋一歲半嘅鍾領綱黎. 我狼仔好開心,因為大家都係小朋友,媽媽,快d生個bb俾我,我好鍾意小朋友架.

我狼仔一邊行,一邊望住鍾領綱笑笑口咁

佢地走左,我又去左公園玩喇.