狼仔新花名

媽媽入左醫院生BB,日日對住星仔,一返到屋企見到狼仔...嘩...好肥呀,肥狼呢個名就係咁黎喇.
爸爸仲話,星仔而家個樣有D似江若琳...想當年,爸爸話我狼仔個樣似楊丞琳嘅,但今時今日,佢話我似阮兆祥..

媽媽喺醫院,我狼仔就係食同玩囉

兩兄弟到底似唔似樣呢??

星仔:

狼仔:

星仔:

狼仔:


似唔似呢? 媽媽覺得佢地兩個D動靜都有D似,個樣呢...星仔眼,鼻同口都大D啦....狼仔就當然係肥D啦,而星仔就細細粒,個個都好錫住佢...
點都好啦,媽媽但願你地兩兄弟健康成長,感情要好吧!

小BB出世了

Hello,大家好,我係小BB呀,我已經出左世喇..10月19日,媽媽穿左水,所以我要提早出世喇..不過大家都估唔到我個SIZE咁細喇...得5磅半咋..媽媽成日都覺得自己個肚唔夠大,原來係因為我條臍帶少左一條動脈,一般臍帶有兩條動脈,一條靜脈...所以我就唔長胎喇. 唔緊要啦,出左世都唔再靠臍帶架喇,爸爸媽媽會俾心機養肥我架喇..
而家我個花名叫星仔,係爸爸改嘅.

古怪表情

近排我狼仔成日都會做呢個豬鼻表情,冇人教嘅. 原來媽媽都係成日做呢個表情,因為佢有鼻敏感,佢覺得咁樣佢會舒服D.

康復中

星期六我D燒都退得八八九九喇,下午D疹終於現形,先係手手腳腳,之後心口同背脊有密密麻麻嘅紅疹. 好彩玫瑰疹係唔痕啫. 我而家個人舒服左,所以瞓到覺,星期日下晝仲瞓左三個鐘,你睇下個瞓完之後心情幾靚!

發燒

8/10 發燒,睇左醫生,醫生話個喉嚨有d乾,又有可能係出玫瑰疹. 食左藥,會退下燒,但藥力散左又再燒,超過39.5c要塞pat pat, 燒可達40c以上.好可憐.
9/10 凌晨5點爺爺急call媽媽,話狼仔燒到打冷震,口唇呈紫色,大家都好驚,決定同狼仔去急症室,爸爸立刻趕過去一齊去. 經過醫生"簡單"檢查後,冇肺炎,狼仔有反應,就只係俾左d退燒水就打發左我地走喇. 整日仍然有高燒,狼仔心情欠佳,又唔願瞓覺,好可憐.

媽媽同事話要燒幾日d疹先會發出黎架....狼仔要沉著應戰呀. 加油!!

p.s. 多謝爺爺嫲嫲不分日夜照顧狼仔,真係辛苦你地. 仲有姑姑,凌晨時份要車我地去醫院,第二朝仲要返工,媽媽非常感激,狼仔一定會好好孝順你架.

賀秋秋生日

今日媽媽第一次單獨帶我出街,去賀秋阿姨生日. 地點係九龍灣Ruby Tueseday. 唉....失敗... 本來呢,我狼仔係好乖架,但食到最後,都係衰左. 媽媽諗住拿拿聲同我返屋企啦,但係我點都唔肯坐車車,係都要媽媽抱,有左近九個月嘅媽媽只可以抱住廿幾磅嘅我去麥當奴,期間我仲要係不停咁喊,只有急call爸爸黎打救我地啦,好彩超姨姨買左杯雪糕,仲好醒目咁攞左杯水俾我地, thanks...之後,爸爸黎左,媽媽拖左周身汗同極疲累嘅身軀返屋企.
佢下次都唔敢一個人帶我出去咁耐喇(雖然秋秋拍晒心口話幫手湊我),真係見過鬼都怕黑.

翻食夜奶?

狼仔而家返到爸爸媽媽屋企瞓,嘩,真係得人驚...連續幾次都半夜喊,喊到停唔到,一晚仲會有兩次咁多..以前出牙仔都會半夜喊...但係一食奶咀就會瞓番, 但而家唔得喇,要睇MTV冷靜一下,再要食奶奶先可以瞓番...唉...一晚兩次,爸爸媽媽平時返工已經要早起,放假都冇覺好瞓,佢地真係冇一日係瞓得夠架..唔怪得細佬好似冇我咁大隻啦...媽媽諗住以後都要俾多D野俾我食,睇下會唔會改善下.

新餐椅

呢張餐椅好輕便架,我大個仔喇,張COMBI high chair可以留俾細佬用喇.