今日去左東港城

去左冒險樂園玩車車(冇入錢的)



去TASTE行一轉

又去APM

今日爸爸媽媽開始放新年假,姐姐又未放假,可以留喺屋企照顧細佬,可惜天氣太冷,唔可以去室外地方,所以我地又去左apm行下喇,lunch食吉野家

仲買左個氣球

年廿七食團年飯

上年同今年都係喺彩明食,因為上年狼仔仲細,今年就星仔仲細,下年應該可以去遠D

沖花灑涼

在職媽媽定係全職媽媽?

不經不覺返工都差唔多一個月喇..見到bb個可愛樣,有好多媽媽都會唔捨得個產假,想做一個全職媽媽. 但我呢? 我就一d都唔留戀放產假嘅日子喇. 其實日日湊仔,個人係會癲架,你可能以為我有工人幫手,一定會好歎啦! 非也!! 因為如果我唔駛返工,我又會想湊個仔多d,咁我就會好忙,而工人就好歎喇.

我返工可以安安靜靜咁上下網,午飯時間又可以去行下商場,行下公園咁,坐喺自己個位度,俾條腰休息下,返工係叉電...叉完電返屋企見到兩個寶貝就好開心...如果由朝對到晚就唔會咁開心喇,肯定會變忟薑!

仲有,返工有人工逗...冇收入,買d野都要諗過度過,又可能俾唔到錢俾自己父母呢...
所以呢,每個月付出$3580+一d雜費請個工人幫手,真係好過自己湊...我又好彩,老爺奶奶幫手睇住工人,我返工都好安心!

星仔三個月大喇

我星仔三個月大,唔係一舊飯喇.
1) 識笑,有時會笑出聲
2) 硬淨左好多,打直抱時個頭會拎左拎右周圍望
3) 瞓少左,成日要人抱,要人玩
4) 用中碼片
5) 食140ml奶,一日6餐

去飲茶

星仔好少去茶樓飲茶架,狼仔就差不多日日去,今日媽媽唔駛番工,又見星仔咁少出街,於是JOIN埋爺爺地去飲茶喇.

星仔冇份食,自己坐BB車上


狼仔扮MARK哥


狼仔為食樣


扮可愛的狼

爸爸唱歌俾星仔聽

大家覺得我爸爸唱成點??

要講耶穌?不如先講禮貌吧!

話說媽媽公司個老闆(在此稱為itm)係一個基督徒,itm熱心教會事務,工作時間雖然忙,但同事們都經常睇到佢用公司(政府)電腦處理教會嘅事,真係時時刻刻都與神同在.
媽媽都非常敬佩佢對神咁忠誠,但佢眼中似乎對媽媽呢d小薯仔十分唔尊重喇. 先唔好講佢之前點對媽媽啦,淨佢平日撞口撞面都會扮晒"我睇唔到""我睇唔到",就知此人有幾好修養啦.
他朝有一日佢回歸上帝懷抱時,一定會俾上帝問....不過.冇禮貌好似唔係十誡之一喎...咁唔怪得itm唔怕犯戒啦!

扮野遊戲

買左D假食物玩具,初時我狼仔以為係真野,真係放入口食,之後爸爸媽媽教我話D野係假嘅,只可以扮食,我而家識扮喇

狼仔的罪證

狼仔成日攪星仔腳仔

大個仔唔鍾意成日瞓

要坐喺度

狼哥成日要推我

阿哥,唔好成日攪攪震

冬日必備之物

就係呢部放濕機喇,有左佢,小BB d 皮膚好左,狼仔又多左一個玩具,媽媽爸爸都好滿意.


眼周圍D皮膚好左,眼睛都大左

幾時先可以有靚仔樣同大家見面

我星仔剛出世時係一個靚仔樣,皮膚白滑,樣子標緻,但係D胎毒令我星仔D皮膚變差,加上天氣乾燥,面珠同眼周圍都是紅紅的,至今仍未好番,希望快D好啦...D皮膚!!

好難要我企定定

好難先影到一張相
係彩明商場個新年佈置


星仔都有影