第一次食糊仔

話說星仔而家厭奶中,媽媽真係火都黎,見佢唔願食奶,咁唯有用D奶整D糊仔俾星仔試下啦,學下吞野都好丫.



第一次食奶奶以外嘅食物,冇話唔鍾意,又冇話好鍾意.



白色D野係雪花膏黎

星仔四個月大喇

- 識食手
- 識笑出聲
- 厭奶,而家食奶食160ml,要一個鐘以上,仲要食唔晒,一放個奶嘴入個口度會喊,有時真係覺得好火滾
- 皮膚都仲係唔係咁好,面頸成日都會紅,有濕疹,手手腳腳有d地方都有厚皮情況
- 呢排突然冇嘔奶,好good

星仔榮升中碼寶寶

今日星仔返去聯合,事關佢明天安排左照腎同脊骨,大家唔駛擔心,係循例要照,多數都冇事...(希望啦..生左星仔之後,媽媽先知道健康唔係必然),講返中碼寶寶一事先...星仔有6.8KG喇..而家上左50線..記得一出世時只係3線咋...好有進步,媽媽開心了.

狼仔返健康院打針

琴日,我狼仔要返健康院打針同見姑娘.
今次磅重有11.8KG,幾好.
姑娘例排同我做下評估:(爺爺報告)
1) 俾個公仔我,要我餵佢食野,我唔識喎...但係叫我餵嫲嫲我就識喇...
2) 叫我疊高D積木,我又識.
3) 叫我講下野,我梗係唔OK啦...問平時識唔識叫人? 唔識喎..
兩歲又要再返去喇
打針,冇喊,好叻仔!
不過,琴晚發燒,最高去到39度幾! 慘!

狼狼仔,一歲半喇!!

今日係我狼仔一歲半嘅日子,媽媽係唔記得左,係爸爸提醒佢架.
一歲半嘅我,睇落比真實年齡大,唔再係BB仔,仲係人地個哥哥添.
而家嘅我:
- 可以自己玩,唔一定要大人一齊玩,但係D大人唔放心,都係要痴左我
- 情緒好左D,喊少左 (係少左,唔係好少)
- 都唔係識講好多野,成日都係BB話,最叻都係見到車會講"家家"(car car)
- 同大人出街好鍾意自己行，唔肯拖手，但係行行下會望返轉頭睇下你係唔係跟住我
- 見到Ｄ唔係成日見嘅人冇咁驚青，見到婆婆唔驚喇

給你一個飛吻

愛上閱讀

一週刊

將軍澳站

星期六,如果爸爸短週,爸爸媽媽就會俾細佬工人湊,帶我狼仔出去食午飯同玩下. 地點都係屋企附近D商場或者地鐵前後幾個站D商場咁. 今個星期六,我地去左將軍澳站

午飯去君薈坊太興食

又攪攪震


之後去埋將軍澳廣場同將軍澳中心,幾好喎,唔係多野買,係地方大,人又少!
仲有好多細路仔機動遊戲,唔入錢都可以玩




行下又可以坐下


呢個係將中個新年佈置,好多細唔都要行來行去

三個半月人仔VS九個月衫仔

件衫都唔係大好多咋喎

要多謝仇姐姐送左好多件靚衫衫俾我

哥哥出手打傷細佬

細膽哥哥平時已經好怕細佬喊喇,今日好地地大家準備出街,爸爸放左細佬上BB車扣緊安全帶時,細佬喊喎,哥哥唔想細佬喊,就出手抓佢喇....
爸爸媽媽當然立即喝止啦...媽媽仲打打哥哥手手添...但哥哥冇媽媽想像中大喊,仲係一個好懊悔表情,個頭輕微垂低,兩滴大眼淚"廊下廊下",可憐到呢...
媽媽都唔忍心咁大聲...平心靜氣同哥哥講"唔可以打細佬,細佬細個,會好痛痛...狼仔要乖乖...下次唔好喇.."
雖然,哥哥整傷左細佬,媽媽好心痛,但見到狼仔好似懂事左,長大左咁..都好開心. 但媽媽希望你地將來要打交,都唔好有損傷,因為媽媽真係會心痛架!

星仔個下巴受左傷


本來兩兄弟相安無事

和媽媽獨處

星期六,姐姐放假,爸爸長週,我同媽媽二人世界. 媽媽俾我坐喺度,我好鍾意坐喺度望住媽媽嘅感覺.