學坐

星仔要學坐

自己識食野

今個星期媽媽突然覺得狼仔大個左,因為佢而家食飯可以自己餵自己喇!

甘大滋

狼仔食野最叻,食相亦很好!

CAR

狼仔好鍾意車,星期六去太古城,入到反斗城,係都要睇CAR,同要指住D CAR叫CAR,仲可以坐CAR! 開心!

狼仔聽歌

返醫院覆診

今日星仔返醫院覆診,睇報告,冇野,即係好消息. 個腎同脊骨都冇事! 過一關! 有7.3KG,都係跟住生長線去,GOOD!

我地識D乜?

不經不覺,狼仔同星仔分別已經十九個幾月同五個幾月喇,不如講下佢地發展到邊度啦!

狼仔:
- 講多左野,見到車會叫CAR CAR,見到魚會叫魚魚....好似冇喇!
但係佢識得認字,佢識B,C,E,M,O,P,R,S,T,2,5,8,媽媽覺得你好叻仔喇.日日都係不停讀書,如果你大個左都係咁好學,咁媽媽一定好安樂.
- 乖左,識得聽下D指示
- 媽媽唱歌時,識打拍子




星仔:
- 唔鍾意飲奶,一日食兩至三餐糊仔
唔係我地想你食多D糊仔,係因為你唔肯飲奶,我地先用D奶整糊仔你食,媽媽想你合作飲奶奶,一日食一兩餐糊仔夠喇.
- 識翻身,不過未識翻轉頭,不過媽媽已經覺得你好叻喇!



兩兄弟瞓左,大人就最鍾意

告別失業的日子

媽媽已正式上班兩天了。真是很矛盾，當知道就快失業時，就會想盡快找到工作，但當有公司聘用時，又不想開始上班。
不用上班的日子，其實很有意義，每日總會帶星仔到附近公園商場散散步，一出家門，你就一定不會哭，媽媽也可以清靜一下，你又不會抓面。有時又會帶狼仔去遠一點的地方玩玩，看到你開心大叫，跑來跑去，媽媽也樂透。
快樂真是很簡單！
媽媽覺得和你們相處真是很有意思，可惜這個世界，沒錢是不行的，媽媽也希望為你們將來生活和升學做好準備，工作的確是必需的，但世界充滿著希望，希望媽媽有一天可以中六合彩，只要幾百萬，媽媽一定會辭掉工作，天天帶你們去玩！

去睇花展

聽日媽媽就要返工喇,所以趁住今日得閒,單人匹馬帶我狼仔去維園睇花展.

今日好晒,我好多相都係呢個表情






狼仔好乖，由出發到入左場，都冇話要出黎，乖乖坐車車。
媽媽知道有個草地俾小朋友玩，但冇見到。。於是走去問secure。。狼仔可以落地玩喇！！好野！！除左件長袖衫先！！













玩到三點，要走喇，因為太晒喇。。出到出面飲下水，食下包包。。睇下我，晒黑左喇


之後，我地去左time square行左一陣，仲有媽媽買左玩具俾我，冇耐我就瞓左喇。。
今日又係開心嘅一日，媽媽要返工喇，希望星期六日佢可以帶我去玩啦！

狼仔講電話

另外一邊係冇人,佢自編自導自演

去廸士尼

今日爸爸媽媽同我狼仔去廸士尼。

朝早十點鍾，出發喇！我地坐地鐵去！


大約十一點到喇！多謝萍姐姐帶我地入去。


食左飯先。。。我自己有個兒童餐，係薯餅黎，好多，食唔晒！


之後就開始玩喇。。入左米奇間屋。


之後玩左winnie the pooh 同旋轉木馬。


小飛象


咖啡杯


馳車天地



睇4D電影


仲有同Ｄ大公仔影相添，我狼仔好鍾意佢地呀！




不過，我最鍾意係玩泡泡，同玩水，最開心喇！



到左三點幾，天氣開始轉冷，仲有Ｄ雨，所以我地就走喇，我仲瞓左覺添！！
媽媽失業真係好喇。。。希望媽媽可以唔返工啦！

同媽媽去新都城

媽媽近來唔駛返工，我星仔多左機會出街。我有得去街就唔會喊喊，好乖架！

星仔近況

。食奶快左，可能過左厭奶期
。冇點嘔奶
。都幾鍾意食糊仔
。成日大聲講野同笑
。鍾意出街，ＢＢ車推來推去一定唔出聲，周圍望
。會伸手摸野

終於出院喇

琴日晚上7點,爺爺同嫲嫲帶狼仔返醫院打針,等爸爸媽媽可以叉下電. 爺爺返黎話個姑娘話打針有D困難,可能因為個豆整到隻手有D腫...媽媽知道左真係好嬲,點解要咁去折騰一個BB...拮住隻手仔三日喇! 不過都知道係為左狼仔好...但係今日無論如何都要同醫生講要出院!
爸爸媽媽凌晨一點同七點都帶狼仔返去,多謝姑姑又車我地返去,唔該!
狼仔都係一去到樓下就大喊...唉..仲係愈喊愈慘...爸爸抱住就想向媽媽求救,媽媽抱住就想向爸爸求救..

入到去未做任何野,已經狂喊


七點嗰次打完要等見醫生,狼仔就好似熱鍋上嘅螞蟻咁,係咁要拉人走..
好彩十一點終於可以走人,唔駛再返去打針,不過就要食多四日藥水喇.

就係呢隻手俾野咬,而家唔腫喇,傷口係穿左嘅水泡

入醫院

狼仔上個星期五左手俾唔知乜野昆蟲咬,爺爺以為係普通蚊咬,點知到左半夜,狼仔喊唔肯瞓,先見到佢隻手腫到好似豬手咁,於是凌晨四點姑姑就車狼仔,嫲嫲同爺爺去左急症室.
要留醫,好慘. 因為狼仔唔肯留喺醫院,喊足一日,又瞓唔到覺,所以最後要"回家渡假",但係大人要6個鍾帶佢返去一次打針,每次狼仔去到醫院樓下就會開始喊,好肉痛,佢真係個心傷過個身.

要種豆,嫲嫲話D醫護人員唔俾佢入去,四個人拮呢支野入佢手背...媽媽知道狼仔一定好痛,而且一定好驚.

真係唔怪得狼仔喊得咁可憐.

狼仔去到遊戲室可以暫時玩下,不過佢諗諗下都會喊,佢真係好想走. 早上7點打完針要等見醫生,仲要洗傷口,所以我地會等打埋一點支針先走,但係狼仔真係一分鐘都唔想留低. 佢喺遊戲室玩玩下見到D醫護人員,佢就會喊定先,佢真係好驚.

雙眼好腫,肉痛.

媽媽好想好想狼仔正式出院,唔駛再驚驚,快D攞走枝豆,狼仔成日想整甩佢,真係冇陰公,插咁多日...媽媽生BB時都係要插唔駛一日,都已經好辛苦,狼仔咁細個,媽媽真係好心痛..........HELP!!!

去九龍灣

媽媽今日展開人生新一頁(加入失失業大軍行列),佢下午同狼仔兩個人去左九龍灣宜家玩,我狼仔好乖,媽媽要我坐BB車我就坐,媽媽俾我落地玩我就玩玩玩...



一個愉快嘅下午.....狼仔最後喺BB車上面瞓左..
媽媽以後可以多D時間同我去街街喇