終於出院喇

琴日晚上7點,爺爺同嫲嫲帶狼仔返醫院打針,等爸爸媽媽可以叉下電. 爺爺返黎話個姑娘話打針有D困難,可能因為個豆整到隻手有D腫...媽媽知道左真係好嬲,點解要咁去折騰一個BB...拮住隻手仔三日喇! 不過都知道係為左狼仔好...但係今日無論如何都要同醫生講要出院!
爸爸媽媽凌晨一點同七點都帶狼仔返去,多謝姑姑又車我地返去,唔該!
狼仔都係一去到樓下就大喊...唉..仲係愈喊愈慘...爸爸抱住就想向媽媽求救,媽媽抱住就想向爸爸求救..

入到去未做任何野,已經狂喊


七點嗰次打完要等見醫生,狼仔就好似熱鍋上嘅螞蟻咁,係咁要拉人走..
好彩十一點終於可以走人,唔駛再返去打針,不過就要食多四日藥水喇.

就係呢隻手俾野咬,而家唔腫喇,傷口係穿左嘅水泡