狼仔唱abc song

狼仔至愛, ABC Song...
L, M, N, O, P佢唱成 woo woo woo woo P
好可愛!

狼仔跳舞

呢d就係狼仔嘅舞步

去幼稚園面試

今日上午,爸爸媽媽帶我狼仔食完早餐,去左健明村間幼稚園面試. 原來面試唔駛做D乜野,只係周圍玩下參觀下咁,有一個老師觀察下我地D小朋友嘅表現咁.
我狼仔最初都驚驚,因為始終係陌生地方,不過之後有野玩就OK喇. 仲會想同其他小朋友玩添,不過係想咋,因為我唔識叫其他人周我玩.

呢間學校係D一般屋村幼稚園,不過媽媽唔想我要搭車返學,所以近近地,OK啦.Nursery都係玩啫!

星仔八個月大喇

星仔八個月大:

- 坐穩左
- 食奶好左D啦,不過都唔係好好
- 識食小饅頭同星星餅
- 都仲係有濕疹,好煩!

星期六的節目

夏天最好嘅去處,非屋苑個室外泳池莫屬. 自從上星期六開始游水,你就好喜歡. 雖然你不懂泳術,但動動手動動腳都是很好的運動. 今個星期,你比上次玩得更放,又會大叫...媽媽看見你的笑容便十分滿足!

呢件泳衣係上星期臨急臨忙喺附近商場買,入面有游水片片

厭奶

星仔星仔,你知唔知如果你唔厭奶,你一定係一個超級可愛嘅BB,你唔食奶,次次都有打敗將嘅感覺

厭奶個衰樣:

第一次游水

今日狼仔同爸爸媽媽去左CLUB HOUSE室外池游水,中午一點去,係晒,不過我著左有袖泳衣,又搽左太陽酒,唔怕晒親!
最初我狼仔好驚...不過我玩玩下又OK喎,好開心,最後仲唔想走添...今次冇影相,下次影俾大家睇!

倫住黎病

呢兩個星期,心肝命掟倫住黎病,先係狼兄咳咳鼻水同發燒,前日星仔又咳咳同發燒. 狼仔病會好扭計,唔食唔瞓..星仔就比較乖喇...唔會特別扭計,姐姐都話星仔係一個乖BB..今日見星仔仲有咳同有鼻水,再同佢去睇多次...狼仔好番喇..星仔要快D好留呀!

星仔七個月大

星仔已經七個月大喇...媽媽而家先有時間UPDATE下個BLOG...前陣子,星仔非常之咁厭奶,次次食兩啖就唔食,你一放個奶咀入去,佢就大喊..媽媽要用針筒夾硬餵佢食...之前都肯食糊仔,後來連糊仔都!
不過,前兩日情形又好左一D,自己用奶瓶可以食到100ml,剩左D奶來沖糊仔..希望慢慢可以食番多D..
可能真係食奶食到悶啦,食其他野又OK. 蕃薯,BB甜品,香蕉,蘋果又食喎..真係要花多D心思諗下D好味又有益嘅野俾你食先得...媽媽要加油!!
身體方面,而家學坐中,自己都坐都十幾秒...不過,佢唔係好鍾意坐,抱住佢,係都要人俾佢企喺度..
皮膚方面,都仲係有濕疹...面有,手有,腳有...唉..都好煩!