仲有一個月就兩歲喇

狼仔廿三個月大喇,而家識講好多野,而且仲識用簡單字同身體語言黎表達心意.
狼仔好鍾意字,英文字同數字.
英文字大細階都識,數字識數一到二十.
最鍾意唱ABC歌,仲要有唔同Version,而且會跳舞,好好玩!
不過,佢d EQ都唔係好高,上Playgroup頭段一定喊,仲要好大聲,不過之後又OK,仲會同其他小朋友追逐.
而家會整鬼媽媽,當媽媽問佢"我係邊個"(指住媽媽), 佢會扮野諗下,答"爸爸",之後媽媽會回應一個驚訝表情加一個"吓??", 狼仔就會好開心咁話"媽媽".