去玩具反斗城搭錯車去左法國康城

星仔依家日日去會所玩

豬咀狼仔

Long Long counting from 1 to 30

狼仔跳舞有舞步喇

星星十個月

近來好忙,冇時間寫blog...其實,唔多update原因除左工作忙之外,亦覺得個blog好似冇乜人睇咁,所以冇乜心機寫...
anyway,星星十個月大左好耐喇...
而家佢除左爬爬之外,仲識由瞓變坐...成日要人扶佢周圍行,自己扶住野行..可能佢冇哥哥咁肥,所以好似比同期嘅狼仔靈活..
星星有樣野好,就係冇哥哥咁怕陌生人,陌生人抱住,最多都係唔郁,唔會好似哥哥咁狂喊,good good...

另外,媽媽就快會離開你地兩個星期,希望到時媽媽會克服到,唔會崩潰啦!!

Ocean Park

八月十七日,姑姑開車帶我同爺爺嫲嫲去海洋公園.....聽爺爺嫲嫲講,狼仔好開心呀...
Thanks姑姑!!

Happy Birthday to Long Long!!

狼仔兩歲大喇..生日正日係星期六,可以正日慶祝真係好...爸爸,媽媽,爺爺,嫲嫲,姑姑,公公,婆婆都有黎...仲有MIU MIU姐姐,同秋阿姨添..Thanks for coming...今年同上年最唔同就係多左個豆丁星仔同我慶祝喇..I Love you, sing sing!!

















狼仔呀..咁快兩年喇...你出左世之後,爸爸媽媽爺爺嫲嫲生活都大大改變,都冇晒自由,因為你真係幾煩架...不過,你又有你可愛一面...我地個個都好鍾意你..
祝你健康快樂!!

好腰力

星仔一向都好大力,好難抱住佢飲奶..而家似乎High chair都唔掂,一瞓上去就自己起身.
真係好腰力!! 仲笑?? 衰仔!!

湊仔公

兩個細路都好鍾意爸爸,爸爸而家多D黎密D手

星仔爬爬爬

平時星仔成日都俾人抱住,太缺乏運動喇...媽媽於是去買左呢D砌圖形play mat,叫姐姐唔好成日抱住星仔,如果唔係,會唔識爬喎. 點知姐姐仲話,唔駛爬啦,遲D識行啦...真係激死!! 細路仔要爬先好架..

兩兄弟合照一幀

真係好難影到一張好合照

扭計大王

狼仔呀....狼仔...你就快兩歲啦,D脾氣都仲係咁臭架..又瞓地喇!!

又來舊照片

剛生完星仔後不久, 又係一張唔想翻看嘅相,在此同大家分享一下


真係人陀仔,我陀仔,陀都陀得樣衰過人

爸爸童年時

像誰??

狼仔第一部電腦

多謝姑姑送部Loptop俾我, i like it!!

三嫲孫

爺爺嫲嫲兩年內抱左兩個孫,開心嗎?? 還是累透呢??

出牙仔

星仔會用條利去頂D牙仔


星仔好鍾意爸爸,唔係好鍾意媽媽,因為爸爸成日同佢落街


媽媽抱多數都係咁

舊照片

近日喺電腦度搵到D舊相,好得人驚....係喺生狼仔幾日前影...
黑同浮腫之外,個鼻大到呢....
因為睇呢個Blog D 人少,同埋會係熟D(唔熟都唔會Bookmark左啦),所以分享下,一定唔會Upload上facebook架下!!

星仔九個月大了

不經不覺,連星仔都九個月大喇! 時間真係過得太快喇,有種捉唔住嘅感覺.
星仔食野都仲係好水皮,奶唔鍾意食,其他野都係唔多鍾意,係小饅頭就唔抗拒...
因為唔鍾意食野,所以星仔屬於瘦人一族,唔係哥哥咁,係大隻一族.
星仔好想同哥哥玩,見到哥哥會好開心大叫,不過哥哥唔多同星仔玩,有時仲會打佢添...唉!!

仲有一個月就兩歲喇

狼仔廿三個月大喇,而家識講好多野,而且仲識用簡單字同身體語言黎表達心意.
狼仔好鍾意字,英文字同數字.
英文字大細階都識,數字識數一到二十.
最鍾意唱ABC歌,仲要有唔同Version,而且會跳舞,好好玩!
不過,佢d EQ都唔係好高,上Playgroup頭段一定喊,仲要好大聲,不過之後又OK,仲會同其他小朋友追逐.
而家會整鬼媽媽,當媽媽問佢"我係邊個"(指住媽媽), 佢會扮野諗下,答"爸爸",之後媽媽會回應一個驚訝表情加一個"吓??", 狼仔就會好開心咁話"媽媽".

寫字

狼仔最近狼仔愛上"寫字"

鞋仔

星仔呢對addias鞋仔係佢剛出世時,一位爸爸要好嘅同事送嘅,而家好fit喎. 爸爸d同事比媽媽之前d同事好得多...不過,好彩媽媽而家d同事好好喇...星仔真係幸運星黎...出左世之後,媽媽話咁快搵到好工(離題,哈哈!)
Anyway, Thanks Uncle for the little sports shoes!

狼仔大個仔,要返學喇!

之前收到幼兒園通知,收狼仔做學生. 今日爺爺嫲嫲代爸爸媽媽去幫狼仔交文件辦手續.
呢間學校係返全日,屋企附近(唔需要坐車)只有三間幼稚園有預備班,半日班一早FULL左,其餘兩間都係全日制. 爸爸知道要返全日,話唔想狼仔咁細個就要返咁多個鐘.
媽媽都唔係好捨得,但係,狼仔到時可能會鍾意呢. 佢係一個好學嘅細路仔,又有咁多小朋友一齊,習慣左,一定開心過留喺屋企嘅
希望狼仔返學會開心啦!!

長大了,現在要這樣飲水,唔肯用飲管杯

一起玩吧

狼仔而家肯同星仔玩,肯俾星仔玩玩具喇...

狼仔唱abc song

狼仔至愛, ABC Song...
L, M, N, O, P佢唱成 woo woo woo woo P
好可愛!

狼仔跳舞

呢d就係狼仔嘅舞步

去幼稚園面試

今日上午,爸爸媽媽帶我狼仔食完早餐,去左健明村間幼稚園面試. 原來面試唔駛做D乜野,只係周圍玩下參觀下咁,有一個老師觀察下我地D小朋友嘅表現咁.
我狼仔最初都驚驚,因為始終係陌生地方,不過之後有野玩就OK喇. 仲會想同其他小朋友玩添,不過係想咋,因為我唔識叫其他人周我玩.

呢間學校係D一般屋村幼稚園,不過媽媽唔想我要搭車返學,所以近近地,OK啦.Nursery都係玩啫!

星仔八個月大喇

星仔八個月大:

- 坐穩左
- 食奶好左D啦,不過都唔係好好
- 識食小饅頭同星星餅
- 都仲係有濕疹,好煩!

星期六的節目

夏天最好嘅去處,非屋苑個室外泳池莫屬. 自從上星期六開始游水,你就好喜歡. 雖然你不懂泳術,但動動手動動腳都是很好的運動. 今個星期,你比上次玩得更放,又會大叫...媽媽看見你的笑容便十分滿足!

呢件泳衣係上星期臨急臨忙喺附近商場買,入面有游水片片

厭奶

星仔星仔,你知唔知如果你唔厭奶,你一定係一個超級可愛嘅BB,你唔食奶,次次都有打敗將嘅感覺

厭奶個衰樣:

第一次游水

今日狼仔同爸爸媽媽去左CLUB HOUSE室外池游水,中午一點去,係晒,不過我著左有袖泳衣,又搽左太陽酒,唔怕晒親!
最初我狼仔好驚...不過我玩玩下又OK喎,好開心,最後仲唔想走添...今次冇影相,下次影俾大家睇!

倫住黎病

呢兩個星期,心肝命掟倫住黎病,先係狼兄咳咳鼻水同發燒,前日星仔又咳咳同發燒. 狼仔病會好扭計,唔食唔瞓..星仔就比較乖喇...唔會特別扭計,姐姐都話星仔係一個乖BB..今日見星仔仲有咳同有鼻水,再同佢去睇多次...狼仔好番喇..星仔要快D好留呀!